Imaxina que... 🤔
Tes unha idea, un produto, un servizo, un proxecto, un “bebé” que criaches con amor e coidado...

... pero aínda non fala.
LOCUCIÓN
A voz é unha ferramenta poderosísima. Fainos rir, chorar, lembrar, inspíranos, chama a nosa atención, fainos tomar acción.
Axúdoche a contar a túa historia dun xeito único e memorable.
Escoitareite a ti primeiro, para entenderte, e así poder transmitir exactamente o que ti tes en mente. A través da miña voz, a túa audiencia conectará contigo e ca mensaxe que lles queres transmitir.
Galego – Español – Inglés
... pero queres que teña máis amigos arredor do mundo.
TRADUCIÓN
Queres dalo a coñecer a máis xente, abrirlle a porta a novas culturas, novos países e novos mercados. Para iso, toca aprender un novo idioma.
Axúdoche a traducir a túa mensaxe a outro idioma sen que perda a súa esencia orixinal, a túa esencia.
Do inglés ao español ou galego
Do español ao inglés ou galego
Do galego ao inglés ou español
... e queres que todo o mundo o vexa tan perfecto coma ti.
CORRECCIÓN
Para xerar confianza e gustar, é imprescindible empregar unha linguaxe limpa, pulcra, adaptada, coidada e, sobre todo, sen erros.
O que escribes e como o escribes di moito de ti.
Ofrézoche os meus servizos de corrección e asesoramento para que o teu proxecto estea libre de erros lingüísticos e produza no teu público a impresión positiva que buscas.
Galego – Español – Inglés
